Mwen Bouke (Feat. Wisman Homie)

Mwen Bouke se yon lide m te genyen depi desanm 2022 pou plafòm Vilamar Records la.M te vle bay yon lòt moun chantel, m te santi yon vwa fanm tap fè mizik la pi byen si m te kite yon fanm chantel e m tap toujou mete yon rapè pou featuring avèl.

M pat ekri mizik sa pou mwen.Nan mwa Me 2023, m te fè beat la, e m te anrejistre yon demonstrasyon ki anpil fwa pi wo pase jan m chantel nan vèsyon ofisyèl la paske m te fè demo a pou yon fi te ka chantel.

M te vin reyalize li difisil pou moun chante mizik mwen jan m vle yo an, e m te vin deside pou kenbe pwojè a pou tèt mwen, m te desann tonalite a ba poum te ka chantel nan tonalite pam.

Malgre mizik la pa janm te vle l la akoz m te vle tonalite a pi wo, men m pat vle bay nenpòt moun chantel paske souvan li difisil pou lòt moun chante mizik mwen yo ak tout ti detay e nan stil ke mwen chante.

M te mete Wisman kòm Featuring, ansyen zanmim e kondisip mwen, e yon rapè ki soti nan men vil avè'm.
Daprè kritik moun mwen bay tande mizik la anvan li lage; tout moun felisite Wisman e wè li te yon bon opsyon pou pwojè a.

M te ajoute vyolon ak saksofòn nan dènye minit, men m te santi vyolon an yontijan vin twòp paske mizik la te gentan gen twòp enstriman, m te fè desann violon vyolon an ba nèt anba mizik la.

Mwen Bouke se youn nan pi bèl pwojè mwen yo, yon pwojè ki pale de fistrasyon mwen.
Mwen lagel kòm yon single le 18 novanm 2024, 5 mwa avan EP a.
Mizik la disponib sou tout platfòm streaming, e ou kapab download vèsyon MP3 nan link sa tou.