La Cigale
Premye Ep mwen, 12 mizik, plizyè kolaborasyon. Pwojè sa ap disponib nan maw Avril 2025 sou tout platfòm
Shilderic
11/18/20241 min read
La Cigale se yon pwojè mwen kreye, ki gen ladan l 12 mizik, avèk plizyè kolaborasyon ak lòt atis. Se yon pwojè sosyal kote m eksprime fristrasyon mwen yo, sa m ap viv nan lavi m, sa lòt moun ap viv tou, ansanm ak sa k ap pase nan mond lan. Mesaj yo pa sèlman pou mwen; yo kapab touche anpil moun ki ka idantifye ak reyalite sa yo e jwenn yon koneksyon nan pwojèMèsi a Ave X, Wisman Homie, Solo Jay, Bill Sosa, Maestro Roody.
M te bay pwojè a tit La Cigale, paske te gen yon moun pwòch mwen yon lè ki te di M, M pa ka ap chante tout jounen, chante pa bay, m tounen La Cigale, e sa te enspirem poum itilize sa kòm tit EP mwen an.
M travay EP a pou montre kapasitem kòm yon atis, malgre m poko gen yon odyans ki pou tandel, malgre m a zewo, men katalòg mwen pa ka rete vid.
Mizik mwen abitye ekri se mizik ki genyen betiz, ki vilgè ak mizik pou bay plezi, m te vle montre tou ke mwen kapab ekri mizik serye.
M pap pwodwi anyen fizikal tankou CD oswa Vynyl paske m poko genyen fanatik ki pou achte yo, men pwojè a ap disponib online sou tout gwo platfòm nan mwa Avril 2025.